LAMEGI logotipo
EQUALFSE
ico Equal ekimena | Helburuak eta emaitzak
Recomendar página Imprimir

Interbentzioaren Helburuak eta espero diren Emaitzak

1. Helburua

Enplegurako merkatu sozialak (zenbaitetan tutoretzapekoak edo babestuak) EBko zenbait zonatako garapen hasiberrietatik bereiziko dituen eta Administrazioaren gizarteratze-politikaren berariazkotasunarekin koherentea izango den formulazio propioarekin sustatzea. "Onura publikokotzat hartutako lanaren bidezko gizarteratzea".

Espero diren emaitzak

  • Euskadiko Herri Administrazioaren % 100ek material deskribatzailea eta orientatzailea izatea enplegurako merkatu sozialei dagokienez.
  • Esperimentazioaren emaitza gisa, EAEko eremuan enplegurako 15-20 merkatu sozial izatea.
  • Merkatu sozial horietan sortutako 70-100 enplegu berri izatea.
  • Enplegu horien % 50 gizarteratze-enpleguak izatea.
  • Sortutako enpleguen % 65 emakumeentzat izatea.

2. Helburua

Kontratazio publikoa egiteko modua aztertzea, esleitzeko eta gauzatzeko irizpideen hobekuntza iradokitzea eta, ildo horretan, lizitazio publikoan gizarte-klausulak sartzeko aukera kontuan hartzea, gizarte-ekintzako edo irabazi-asmorik gabeko erakundeen kontratazioa errazteko.

Espero diren emaitzak

  • Euskadiko Herri Administrazioaren % 100ek gizarte-klausulei buruzko pleguen ereduzko tresna izatea.
  • Euskadiko 25 lizitaziotan gizarte-klausulak sartzeko aukera sustatzea.
  • Aholkularitza teknikoak Euskadin proiektuaren indarraldian egiten diren gizarte-klausuladun lizitazioen % 80tan parte hartzea.

3. Helburua

Gizarteratzeko enpresa taldea sendotzea, honako helburu hauekin:

  • Erakundeen arteko lankidetza eta kudeaketa hobetzea.
  • Merkatu-esparru berriak aurkitzea.
  • Zerbitzuen kalitatea hobetzea.
  • Kalitateko zerbitzuen berrikuntza bultzatzea.
  • Enpleguen kalitatea hobetzea.
  • Gizarteratze-enpleguen kopurua handitzea.
  • Ekonomia solidarioko tresnak garatzea.

Espero diren emaitzak

  • Enpresa taldeak Euskadiko gizarteratze-enpresen eta gizarte-enpresen % 70 biltzea gutxienez.
  • Gizarteratze-enpresei, gizarte-ekonomiari eta gizarte-ongizateari lotutako garapen posibleetan, enpresa taldea Euskadiko herri administrazioaren aurrean baliozko hizketakide izatea.
  • Enpresak finkatzea enpresen kopuruari, enpleguen kopuruari, fakturazio bolumenari eta kudeaketa-tresnen aplikazio-mailari dagokienez.
  • Taldearen enpresetan, enpleguen % 65 emakumeentzat izatea.

4. Helburua

Enpresarekin lankidetzan, laneratzea gizarte-erantzukizuneko elementu gisa esperimentatzea, honako helburu hauekin:
Bazterkeria-egoeran daudenak enpresa pribatuetan sartzea.
Gizarteratze-enpresen zerbitzuen azpikontratazioa erraztea.

Espero diren emaitzak

  • Dokumentazioarekin gizarte-erantzukizunean interesa erakutsi duten Euskadiko enpresen % 50ek bazterkeria-egoeran daudenen laneratzeari buruzko informazioa izatea.
  • Enpresa horietako 10ek gizarte-erantzukizuneko planean laneratzeko aukera sartzea.
  • Enpresa horien % 50ek bazterkeria egoeran daudenak kontratatzea eta/edo gizarteratze-enpresei eta gizarte-enpresei zerbitzuak azpikontratatzea.